سبب اختيار معظم لاعبين باتل فيلد لهذي اللعبة هو الابتعاد عن مبزرة كود..
وعن جو الخياس اللي هم عايشين فيه
بغض النظر عن نظام لعبة كود لكن كثير مننا كرهناها عشان اللاعبين اللي فيها
مستحيل تجلس قيم واحد الا تسمع لك ثلاث اصوات باين عليهم بالابتدائي وما تسمع الا " انا دعستك انا مدري وشو "
المصيبه والكارثه ان هالمبزرة وصلوا هنا لباتل فيلد
ويجيك واحد ما دخل المتوسط ويقولك انا بدعسك وهو تو شنبه ما بعد طلع!!
كثير يلعب ولايعرف وش سبب وجود هالالعاب اساسا
ترا سببها مو عشان نكره بعض او نتهاوش مع بعض ونسوي مشاكل
سبب هالالعاب انك تعرف ناس وتتواصل مع ناس وتغير جو وتستمتع معهم باللعب
الصفحة هذي رسالة لكل الناس اننا حنا في باتل فيلد في غنى عن اشباه الرجال اللي غاثينا " دعستك + بدعسك + طعنتك " وما جينا هنا عشان نسمع خرابيط مبزرة
الواحد المفروض يحشم نفسه ويحترم اللاعبين ولا يغلط على احد عشان الناس ما تغلط عليه " عامل الناس كما تحب ان يعاملوك